«Betis» klubi bosh murabbiyi Viktor Sanches del Amo Ispaniya chempionati 20-turidan o'rin olgan «Barselona»ga (1:1) qarshi kechgan bahsdan so'ng o'z fikrlari bilan o'rtoqlashdi. «Men g'azabdaman. Biz bu o'yinni yutishimiz kerak edi, ammo ikki ochko yo'qotdik. Ko'plab vaziyatlarga ega bo'lib, ulardan foydalana olmasang mana shunday bo'ladi. «Real» va «Barselona»ga qarshi kechadigan o'yinlar har doim qo'shimcha motivatsiya beradi. Biz muxlislarni shod etdik. Hakamlik? Biz ulardan hech qachon nolimaymiz, hatto ularni qarorlari bizga qarshi bo'lsa ham. Men yangi texnologiyalarni qo'llab-quvvatlayman, biroq ular o'yinga halal bermasligi kerak. Futbol har qanday yangilik uchun ochiq bo'lishi kerak», - deydi mutaxassis.
— deya xabar beradi uff.uz nashri.