"Stok Siti" hujumchisi Piter Krauch Angliya chempionati 23 turida "Everton"ga qarshi kechgan o'yinda gol urdi va Premer ligadagi gollari sonini 100 taga etkazib oldi.
"Men bu natijadan juda xursandman. O'yin boshidayoq gol urganimdan mamnunman. Hisobimdagi gollar 99 ta bo'lib turgandi va yuzinchi golni ko'p kutishga to'g'ri kelmadi.
Angliya chempionatida 100 ta gol urgan o'yinchilar ro'yxatiga qarab, bu erda ko'plab buyuk futbolchilarni ko'rasan. Ular orasida bo'lish men uchun ulkan sharaf", - deydi Krauch.
Eslatib o'tamiz, Piter Krauch Angliya chempionatida 100 ta gol urishga muvaffaq bo'lgan 26-futbolchi bo'ldi. 36 yoshli hujumchi 48 ta golni boshi bilan, 43 tasini o'ng oyog'ida va yana 9 tasini chap oyog'ida kiritishga muvaffaq bo'lgan.
— deya xabar beradi uff.uz nashri.