Xabaringiz bor kecha Gabon mamlakatida Afrika millatlar kubogi musobaqasi o'z yakuniga etdi. Finalda Kamerun Misr terma jamoasini 2:1 hisobida mag'lub etib, bosh sovrinni qo'lga kiritdi. E'tiborga molik jihati Misr terma jamoasi bosh murabbiyi Ektor Kuper uchun kechagi o'yin futboldagi faoliyati davomidagi o'ninchi final edi. Afsuski, 61 yoshli arentinalik mutaxassisga bu safar ham finalda g'alaba qozonish nasib qilmadi. Ta'kidlash kerakki, Kuper futbolchi sifatida 4 marta, murabbiy sifatida esa 6 marta finalda o'ynab, barchasida mag'lub bo'lgan. Kuper boshchiligida barbod bo'lgan finallar: 1998 yil, Ispaniya kubogida "Malorka" bilan; 1999 yil, Kubok egalari kubogida "Malorka" bilan; 2000 yil, Chempionlar ligasida "Valensiya" bilan; 2001 yil, Chempionlar ligasida "Valensiya" bilan; 2010 yil, Gretsiya kubogida "Aris" bilan; 2017 yil, Afrika millatlar kubogida Misr terma jamoasi bilan.
— deya xabar beradi uff.uz nashri.