Yangi mavsumga tayyorgarlik olib borayotgan «Dinamo» klubi murabbiylar shtabida o'zgarish yuz berdi.

O'tgan yili sog'lig'idagi muammolarga qaramay, «Dinamo» jamoasini Oliy Ligaga qaytargan jamoa bosh menejeri Ilhom Sharipovning salomatligini tiklashi hamda bosh menejer sifatida shartnomasi yakunlangani bois, Oliy Ligada klubni boshqarish katta mas'uliyatligini inobatga olib, «Dinamo» klubiga bosh murabbiy etib tajribali mutaxassis Edgar Gess tayinlandi.

Ilhom Sharipov esa sog'lig'ini tiklash bilan birga klub rahbariyatidagi faoliyatini davom ettiradi. Uchqun Qobilov va Rafael Balasanyanlar yangi bosh murabbiyga yordam berishda davom etadilar.

Shuningdek, bir necha yildan buyon «Dinamo» klubi qoshidagi futbol maktabi direktori hamda jamoa boshlig'i sifatida faoliyat yuritib kelgan Alisher Latipov futbol maktabini yanada rivojlantirish uchun 20 fevral kunidan futbol maktabiga to'liq ishga o'tkaziladi. «Dinamo» PFK rahbari etib Shuhrat Hotamov tayinlandi.

Jamoaning yangi mavsumga tayyorgarligi belgilangan reja asosida davom etmoqda. Klub ayni damda bir qator futbolchilar bilan muzokara o'tkazmoqda. Tez orada jamoa tarkibida o'zgarishlar yuz beradi.

Ma'lumotnoma:

Edgar Yakovlevich Gess 1954 yil 14 mart kuni tug'ilgan.

Murabiylik faoliyati:

1986 – «Paxtakor» (Toshkent)

1987-1988 yillar – «Zarafshon» (Navoiy)

1991-1995/1997-1999 yillar - «Mittelbiberax» (Biberax, Germaniya)

1999-2003 yil – «Turkspor» (Biberax, Germaniya)

2004 yil – «Olma-Ota» (Qozog'iston)

2005 yil – «Alaniya» (Rossiya)

2006 yil – «Vetra» (Litva)

2006-2007 yil – «Andijon»

2008 yil – «Nasaf»

2009-2011/2012-2013 yillar – «Sho'rtan»

2013-2014 yil – «Buxoro»

2014-2015 yil – «Andijon».

Litsenziya: PRO«Dinamo» klubi matbuot xizmati
— deya xabar beradi uff.uz nashri.