Krishtianuning o'yinlari «Real» muxlislarini qoniqtirmayapti. Portugaliyalik yulduzning agenti Jorje Mendesh esa mijozining Xitoyga sayohat uyushtirishi mumkinligi haqidagi xabarlarga munosabat bildirdi. Soccer.ru fursatdan foydalanib, Ronalduning «qirollik klubi»ni tark etishi bilan bog'liq ma'lumotlarga e'tibor qaratdi. Sotilsin. «Real» muxlislarining pozitsiyasi Zidan haq, Ronalduni doim tan­qid qilishadi. Ammo bunga asos bor. Portugaliyalik yulduz vaqti-vaqti bilan vaziyatning o'zi uchun salbiy tus olishiga zamin yaratadi. «Real» ishqibozlariga Krishtianuning jamoaviy futbolga bo'lgan munosabati, xudbinligi, g'alaba keltiruvchi gollari kamaygani yoqmayapti. Muhim to'p kiritilmadimi, demak ispanlar uni yoqtirishmaydi. Ronaldu muxlislarga jiddiy talab qo'yadi - pul keltiring va hushtak chalmang. Mana endi, uning o'ziga shunday javob qaytarishmoqda. Mabodo, Peres portugaliyalik hujumchini sotib yuborsa, bundan madridliklar aslo ranjishmasa kerak. Sotilmasin. Moliyaviy manfaat Ronalduni transfer qilish masalalari Mendesh va Peres manfaatlariga to'liq mos kelgandagina o'rganib chiqiladi. Aytishlaricha, o'tgan yilning oxirlarida «Real»ga Ronaldu uchun 300 million evro taklif qilishgan. Futbolchining o'ziga esa 100 million miqdorida yillik maosh berishmoqchi. Bu - OAVdagi oddiy xabar emas, balki agentning gaplari. Xullas, Peres portugaliyalik yulduzni sotishga qarshi emas. Yillik daromading 620 million evroga teng bo'lgani holda 300 milliondan voz kechish mumkinmi? «Real» so'nggi 11 yilda ilk marta dunyoning badavlat futbol klublari ro'yxatidagi peshqadamlikni boy berib, uchinchi o'ringa tushib qoldi. Madridliklar bu borada «MYu» va «Barselona»dan ortda qolishmoqda. Shunday ekan, Mendesh 300 millionni gapirib, maqtanmagan, balki shikoyat qilgan. Hozircha Ronaldu taklifni rad etdi. Zidan esa jarohatlardan nolib, tarkibni kuchaytirish lozimligini uqtirdi. Asosiysi, frantsiyalik mutaxassis hozir oldingi chiziqdagi yakkaxonga ehtiyoj sezmayapti. Sotilsin. Hamma uchun foydali «Real» yoshi o'tgan o'yinchini 300 emas, 150 million evroga sotsa ham moliyaviy holatini ancha yaxshilab oladi. Bunga Ronalduning yillik maoshi miqdorini ham qo'shib hisoblansa, foyda miqdori yanada oshishi turgan gap. Boz ustiga, Krishtianu Xitoyga ketsa, «Real»ning EChLdagi raqobatchilari tarkibi portugaliyalik yulduz hisobiga kuchayishining oldi olinadi. Jorje Mendeshning bu transferdan qanday daromad ko'rishi mumkinligini esa aytish shart­mas. Sotilmasin. Lionel Messining muvaffaqiyati Davomi: www.interfutbol.uz InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.