Ikki kunlik dam olishdan so'ng bugun jamoamiz a'zolari Toshkentda to'planib, poytaxtdagi so'nggi yig'inni boshlashadi. Mashg'ulotlarda tunda O'zbekistonga etib kelgan serbiyalik futbolchi Darko Stanoevich ham ishtirok etadi. 2016 yilgi mavsumni “Olmaliq”da boshlab davralar oralig'ida o'z yurtiga jo'nab ketgan himoyachi yarim yil davomida Serbiya superligasi vakili “Novi Pazar” klubi sharafini himoya qilayotgandi. Faoliyati davomida O'zbekistonda “Olmaliq”dan tashqari “Mash'al” va “Sho'rtan” jamoalarida ham to'p surganligi uchun futbolchi o'zbekistonlik muxlislarga yaxshi tanish. Stanoevich tibbiy ko'rikdan o'ta olsa “Navbahor” bilan shartnoma imzolash imkoniga ega bo'ladi. Darko 1987 yilning 12 aprel sanasida Loznika shahrida tug'ilgan.
— deya xabar beradi uff.uz nashri.