O'zbekiston terma jamoasi hujumchisi Igor Sergeev Bahreynga qarshi kechadigan o'yin oldidan fikrlarini bildirib o'tdi.
"Bahreynga qarshi kechadigan o'yinlar alohida ahamiyatga ega ekanini bilamiz. Shunga yarasha tayyorgarlik ko'rilmoqda. Murabbiylar qanday o'ynash kerakligini tushuntirmoqdalar.
Bahreyn - arab jamoasi. Arablarda esa ruhiyat shundayki, ularga o'z o'yinini ko'rsatish imkonini bersangiz, "Barselona"dek o'ynab yuborishadi. Aksincha bo'lgan holatda esa, tezda "o'tirib" qoladilar. Biz aynan shunga erishishimiz lozim. Buning uchun murabbiylardan kerakli ko'rsatmalar olmoqdamiz.
Iqlim? Bunday sharoitda birinchi marta o'ynamayapmiz-ku! Albatta bizni qanday iqlim kutib turganini yaxshi bilamiz. Sportni tanladingmi, turli noqulayliklarga ham tayyor turish kerak. Nasib qilsa Bahreyndan g'alaba bilan qaytamiz. Biz bunga tayyormiz. Terma jamoadagi kayfiyat juda yaxshi, hamma yahlit bir kuch bo'lib jamlangan", - deydi Igor Sergeev.
— deya xabar beradi uff.uz nashri.