“Yuventus” klubi himoyachisi Shtefan Lixtshtayner Menxengladbaxning “Borussiya” jamoasiga (1:1) qarshi kechgan uchrashuvdan so'ng o'z fikrlarini bildirdi. “Operatsiyadan so'ng o'zimni yaxshi his qilyapman va “Borussiya”ga qarshi o'yin men uchun juda yaxshi o'tdi. Juda muhim o'yin edi va jamoaga yordam berish niyatida edim. Dastlabki 20 daqiqada “Yuventus” muammolarga duch keldi, ammo keyinchalik xatolar sonini kamaytirib, haqqoniy ochkoni qo'lga kiritdi. Gol kiritilagn vaziyatda men to'pni ideal zarba bilan darvozaga yo'lladim. Hisobni tenglashtirgach, g'alabani ilib ketishga urinib ko'rdik, ammo barcha voqealarni inobatlarga olsak, durang mamnun bo'lsak ham bo'laveradi”, – deydi shveytsariyalik futbolchi. Eslatib o'tish joizki, oktyabrning boshid futbolchi yuragidan operatsiya qilingandi. Sog'lig'i bilan muammlolar tufayli himoyachi bir oy maydonga tusha olmadi.
— deya xabar beradi uff.uz nashri.