Angliya Kubogi 1/8 finalidan o'rin olgan «Blekbern» – «Manchester Yunayted» uchrashuvi o'z yakuniga etdi. Ushbu uchrashuvda «qizil iblislar»ning qo'li baland keldi. Dastlabki gol 17-daqiqada mezbonlar vakili Denni Grem tomonidan kiritilgan bo'lsada, «Blekbern» ushbu hisobni ushlab qola bilmadi. Oradan o'n daqiqa o'tib Joze Mourino shogirdlari muvozanatni tiklashga muvaffaq bo'ldilar, gol muallifi – Markus Reshford. Uchrashuvning 75-daqiqasida zaxiradan maydonga tushgan Zlatan Ibrahimovich «MYu»ga g'alaba keltirgan golni kiritdi. Shu tariqa ushbu g'alaba mankunianliklarga chorak final eshiklarini ochdi. Angliya Kubogi, 1/8 final Blekbern – Manchester Yunayted 1:2  Gollar: 1:0 – 17 Grem, 1:1 – 27 Reshford, 1:2 – 75 Ibragimovich. Blekbern – Stil, Grir, Malgryu, Uilyams, Lenixan, Lou, Fini (Mexoni, 73), Gatri (Tomlinson, 81), Konuey, Grem (Stouks, 77), Emnes. Manchester Yunayted – Romero, Roxo, Smolling, Darmian, Lingard (Pogba, 62), Yang, Kerrik, Errera, Mxitaryan, Marsyal (Ibragimovich, 62), Reshford (Mata, 89). Ogohlantirishlar: Uilyams (35), Lingard (52), Yang (73).
— deya xabar beradi uff.uz nashri.