Bugun «Navbahor» mavsumlar oralig'idagi navbatdagi uchrashuvni «Qo'qon-1912» jamoasiga qarshi o'tkazdi. «Oq-tepa» o'yingohida o'tkazilgan o'yinda «Navbahor» jamoasi futbolchilari 3:0 hisobida g'alaba qozonishdi. Uchrashuvning birinchi bo'limidagi voqealar rivoji asosan maydon markazida kechdi. Tanaffusga yaqin Mansur Saidov raqib himoyachisining xatosidan so'ng qo'qonliklar darvozasini nishonga olib hisobni ochdi. Ikkinchi bo'limda Ro'zimboy Ahmedov zaxiradan maydonga tushib, «dubl» muallifiga aylandi. Dastlabki golda Ahmedovga Mansur Saidov ham mualliflik qildi. Hujumchimiz ikkinchi golini qarshi hujumdan so'ng nishonladi. Ikkinchi bo'lim o'rtalarida futbolchilar maydonda o'zaro hisob-kitob ishlariga kirishishdi. Oqibatda uchrashuvni boshqarib borgan Ahror Risqullaev har ikki jamoadan ikki nafardan futbolchini maydondan chetlatdi. «Navbahor»dan Ro'zimboy Ahmedov va Nemanya Yovanovichlar tomoshabinlar safidan joy olishdi. O'rtoqlik o'yini bo'lganligi sababli chetlatilgan futbolchilari o'rniga Timur Tolipov va Ravshan Xursanovlar maydonga tushishdi. E'tiborli jihati o'yin oxirlarida Jahongir Mehmonov va Suhrob Berdievlar ham qizil kartochka bilan jazolanishdi. «Navbahor» uchrashuvni quyidagi tarkibda o'tkazdi: Asilbek Amanov, Tohir Shamshitdinov, G'iyos  Komilov, Abbos Otaxonov,  Alisher Samatov, A'zam Aliev, Dilshod Jabborov, Mirzohid G'ofurov, Oybek Qilichev, Mansur Saidov, Nemanya Yovanovich. Zaxiradan maydonga tushganlar: Ro'zimboy Ahmedov, Azizbek Turg'unboev, Jahongir Mehmonov, Timur Tolipov, Ravshan Xursanov, Hasanboy Ergashev, Abduaziz Sultonov, Ilhom Boydedaev, Alisher Mirzaev. «Qo'qon-1912» tarkibi: Muzaffar Abdullaev, Ruslan Melziddinov, Bahodir Akramov, Nosir Otaqo'ziev, Akmal Xolmurodov, Darko Gojkovich, Bahodir Pardaev, Murod Xolmuhammedov, Aleksandr  Merzlyakov, Suhrob Berdiev, Jalil Kimsanov. Zaxiradan maydonga tushganlar: Oybek Rustamov, Aziz Ashurov, Filip Rayevats, Shohruh Xolmatov. Navbatdagi nazorat o'yini 22 fevral kuni Samarqandning "Dinamo" klubiga qarshi o'tkaziladi.
— deya xabar beradi uff.uz nashri.