Angliya kubogi musobaqasining 1/8 finalidan o'rin olgan “Satton Yunayted” – “Arsenal” uchrashuvi o'z nihoyasiga etdi. Unda 0:2 hisobi qayd etilib, londonliklarning g'alabasi bilan yakunlandi. O'yin asosan “Arsenal“ning ustunligi ostiga o'tgan bo'lsa-da, “Satton“ ham bo'sh kelmadi. Biroq, londonliklarning tajribasi baribir o'z so'zini aytdi. Dastlab, birinchi bo'limning 26-daqiqasida Lukas Peres hisobni ochgan bo'lsa, ikkinchi bo'limning 55-daqiqasiga kelib Teo Uolkott raqib darvozasiga ikkinchi gol kiritdi. Shu tariqa, “Arsenal” safarda “Satton Yunayted”ni mag'lub etib, Angliya kubogining chorak finaliga yo'l oldi. Angliya kubogi. 1/8 final Satton Yunayted – Arsenal 0:2 (0:1, 0:1)
Gollar: 0:1 – 26 Peres, 0:2 – 55 Uolkott.
Satton Yunayted – Uorner, Dauner, Bekuit (Spens, 70), Kollinz, Amankva, Beyli, Mey (Xadson-Odoi, 71), Istmond, Gomis, Dikon, Biamu (Fitchett, 82).
Arsenal – Ospina, Gabriel, Mustafi, Xolding, Monreal, Al-Nenni (Oksleyd-Chemberlen, 46), Jaka, Ren-Adeled (Meytlend-Naylz, 74), Uolkott, Peres, Ivobi (Sanches, 74).
Ogohlantirishlar: Jaka (24), Ren-Adeled (40).
— deya xabar beradi uff.uz nashri.