22 fevral kuni "UzReport TV" telekanali soat 22:00da Evropa Ligasidan o'rin olgan “Sent-Eten” – “Manchester Yunayted” hamda soat 00:45da Chempionlar ligasining “Portu” – “Yuventus” o'yinlarini jonli efirda namoyish etishni rejalashtirmoqda. Bu haqda "UzReport" AA xabar berdi. Shuningdek, shu kuni Ispaniya chempionatining 16-turidan o'rin olgan “Valensiya” va “Real Madrid” klublari o'rtasidagi qoldirilgan o'yini ham o'tkaziladi va uning boshlanish vaqti soat 22:45ga belgilangan. “Sent-Eten” – “Manchester Yunayted” uchrashuvining birinchi bo'limi tugagach, “Valensiya” va “Real Madrid” o'yini start oladi va biz ikki uchrashuvni onlayn tarzda namoyish qilamiz. Ya'ni, tomoshabinlar ikkala uchrashuvdagi muhim vaziyatlarni jonli efir orqali ko'rib borishadi. “Valensiya” va “Real Madrid” uchrashuvi yakuniga etgach, muxlislar Chempionlar ligasidan o'rin olgan “Portu” – “Yuventus” uchrashuvidan jonli efirda bahramand bo'lishadi.
— deya xabar beradi uff.uz nashri.