“Arsenal” klubi himoyachisi Ektor Belerin “Barselona” jamoasi transfer maqsadlari ro'yxatida birinchi bo'lib turibdi. Bu haqida Mundo Deportivo nashri xabar tarqatdi. Kataloniyalik klub o'tgan yili “Yuventus”ga yo'l olgan Dani Alvesga davomchi qidiruvini davom ettirmoqda. Shunga qaramay, Ektorni tarkibga qo'shib olish kataloniyaliklarga qiyin bo'ladi. “Arsenal” o'zining asosiy himoyachisi bilan xayrlashmoqchi emas. Uning amaldagi bitimi 2023 yilgacha mo'ljallangan. Aytish joiz, Ektor Belerin “Barselona” akademiyasi tarbiyalanuvchisi sanaladi.
— deya xabar beradi uff.uz nashri.