«Real» Madrid prezidenti Florentino Peres yozgi transferlar mavsumida jamoaga eng qimmat futbolchilarni sotib olishni rejalashtirmoqda. Diario Gol nashrining xabariga ko'ra, «qirollik» klubi prezidenti «Chelsi» yarim himoyachisi Eden Azar , «Manchester Yunayted» posboni David De Xea hamda «Yuventus» hujumchisi Paulo Dibalani Madridga olib kelmoqchi. Manbaning xabariga ko'ra, madridliklar yuqorida keltirib o'tilgan futbolchilarning xar biri bilan muzokarani allaqachon boshlab yuborishgan. Ma'lumot uchun, De Xeaning Madrid jamoasiga kelib qo'shilishi ko'p yillardan beri muhokama qilib kelinadi. «Qirollik» klubining Azarga bo'lgan qiziqishi Evro-2016 musobaqasidan avval boshlangan edi. Shuningdek, Italiya OAVlarining xabariga ko'ra, Dibala transferi Florentino Peresning «Yuventus» murabbiyi Massimiliano Allegri bilan bo'lgan munosabatlari joyida emasligi uchun amalga oshmacdan qolishi mumkin.
— deya xabar beradi uff.uz nashri.