«Nyukasl» bosh murabbiyi Rafael Benites Xitoy chempionati jamoalaridan birini boshqarishi mumkin. Bu haqda Mirror nashri xabar beradi. Manbaning xabariga ko'ra, 56-yoshli mutaxassis xizmatlariga Xitoyning ikki jamoasi qiziqish bildirmoqda. Agar Benites xitoyliklarning yiliga 35 million evrolik taklifini qabul qilsa, dunyodagi eng ko'p maosh oluvchi murabbiyga aylanadi. The Telegraph ahborot portalining xabariga ko'ra, hozirda «Manchester Siti» bosh murabbiyi Xosep Gvardiola maosh olish borasida barchadan ustunlik qilmoqda. Uning Angliyada bir yilda ishlab topadigan maoshi 18-million evroni tashkil etadi.
— deya xabar beradi uff.uz nashri.