"Lester" hujumchisi Jeymi Vardi "Liverpul"ga qarshi kechgan uchrashuvdagi 3:1 hisobidagi g'alabadan so'ng fikrlarini bildirib o'tdi.
"Biz o'zimiz haqimizda juda alamli va adolatsiz gaplarni o'qidik va yigitlar bunga javob berishga harakat qildilar.
Biz o'z o'yinimiz bilan hamma narsani isbotlab bo'ldik. Endi bunday futbolni muntazam ravishda namoyish etmoqchimiz. Ochig'ini aytsak, nima uchun oldinroq shunday o'ynamaganimizni bilmayman. Biz ko'p ishladik, ammo o'yinimiz o'xshamadi.
Bu yil ko'p gol ura olmayotganimdan alamda edim, umid qilamanki bu borada ham ishlarim joyiga tushadi.
Bugun biz uchun natijadan qat'iy nazar kurash ishtiyoqini namoyish etish muhim edi. Yaxshi o'yin namoyish etish orqali biz har doim maydondan boshimizni yuqori ko'targan holda chiqib ketishimiz mumkin", - deydi Vardi.
— deya xabar beradi uff.uz nashri.