"Bunyodkor" Osiyo Chempionlar ligasi guruh bosqichida "Al Ayn"ga qarshi maydonga tushdi va so'nggi daqiqalarda mag'lubiyatga uchradi.
Uchrashuvning birinchi bo'limi ancha keskin ruhda boshlandi. Avval 8 daqiqada Umar Abdulrahmon hisobni ochdi. Bu golga "qaldirg'ochlar" ajoyib hujum bilan javob qaytarishdi va Eldor Shomurodovning uzatmasidan so'ng Dostonbek Hamdamov yo'llagan zarba darvoza to'siniga tegib qaytdi. Bu vaziyatda Chemirtan hammadan ildam harakat qilib, hisobni tenglashtirishga muvaffaq bo'ldi.
"Al Ayn" shundan so'ng yana tashabbusni o'z tomoniga og'dirdi. Buning natijasi o'laroq Kayo Fernandes jamoasining ikkinchi golini kiritdi. Bu safar raqibning goliga Dostonbek Hamdamov javob qaytara oldi. Golli uzatma muallifi esa - Vadim Chemirtan.
Biroq "Bunyodkor" mana shu tashabbusni rivojlantirmadi va asosan himoyaga e'tibor qaratdi. Ikkinchi bo'limda o'yin ancha sokin ko'rinish oldi. O'yin qahramoni nomiga esa avstraliyalik hakam da'vogarlik qildi. U avval Akrom Komilovni maydondan chetlatdi, keyin esa "Bunyodkor" darvozasi tomon penalti belgiladi. Umar Abdulrahmonning aniq zarbasi evaziga "Al Ayn" g'alabani qo'lga kiritdi. Osiyo Chempionlar ligasi, 2-tur
"Bunyodkor" - "Al-Ayn" - 2:3
Gollar:
"Bunyodkor": Zuhurov, Ashurmatov, Komilov, Michich, Sanoev, Ibrohimov, Chemirtan, Ahmadaliev, To'xtasinov, Hamdamov, Shomurodov
"Al-Ayn": Eysa, Ahmad, Kayyu, O.Abdurahmon, Barman, K.Abdurahmon, M.Abdurahmon, Salim, Al-Shamroni, Li Myung Ju, Al-Ahbabi
— deya xabar beradi uff.uz nashri.