"Manchester Yunayted" shu yilning 4 iyun kuni "Old Trafford" stadionida jamoa yarim himoyachisi Maykl Kerrikka bag'ishlab xayriya o'yini o'tkazilishini rasman e'lon qildi. Ushbu yozda Kerrik klubdagi 11 yilligini nishonlaydi. Hozircha 35 yoshli futbolchining klub bilan muddati tugayotgan shartnomasini uzaytirishi haqida xabarlar yo'q. Shunday bo'lsada, "MYu" o'zining sodiq futbolchisiga atab katta futbol shousini o'tkazmoqchi. Ushbu uchrashuvda Kerrikning jamoasi "MYu 2008" bilan kuch sinashadi. Mazkur o'yinda "qizil iblislar"ning sobiq futbolchilari Edvin Van der Sar, Gari Nevill, Rio Ferdinand, Pol Skoulz va Rayan Giggz, shuningdek Stiven Jerrard, Frenk Lempard va Maykl Ouen o'z ishtroklarini tasdiqlaganlar. O'yindan tushgan barcha daromad  Manchester va Nyukasl shaharlarida yordamga muhtoj bolalarga ko'mak beruvchi Michael Carrick Foundation fondiga o'tkaziladi.
— deya xabar beradi uff.uz nashri.