Oliy liganing 1-turidan o'rin olgan "Mash'al" - "Lokomotiv" (0:1) uchrashuvidan so'ngmehmonlar ustozi matbuot anjumanida ishtirok etdi. "Mavsumning ochilishi uchun ajoyib o'yin. Maydon holati ham, ob-havo ham yaxshi. Bu erga 3 ochko olish uchun kelgandik. Biz tashabbusga ega bo'ldik. Ikkinchi bo'lim boshida gol urib olgach negadir bo'shashib ketdik. O'yin oxirida himoyalanishga majbur bo'ldik. Bir-ikki vaziyatda darvozabonimiz yaxshi harakat qildi. Natijadan qoniqdim, mavsumni 3 ochko bilan boshladik. OChL bu OChL, oliy liga esa oliy liga. "Mash'al" yaxshi jamoa ekanligini bilamiz. O'tgan yil kubok bahsida bu klubga yutqazib qo'ygandik. Biz har bir o'yinga g'alaba qozonish uchun tushamiz. "Mash'al" himoyada juda tartibli harakat qilishdi. Gol o'tkazib yuborgach hujumda ham agressiv harakat qilishdi", - deydi Andrey Miklyaev.
— deya xabar beradi uff.uz nashri.