"Navbahor" 2017 yilgi chempionatdan o'rin olgan dastlabki turdagi raqibi Toshkentning «Obod» klubi 2016 yilgi chempionatda ilk marotaba oliy ligada ishtirok etdi. Shu sababli raqiblarning O'zbekiston chempionatining oliy ligasidagi ilk o'yiini 2016 yilgi mavsumga to'g'ri keldi. 2016 yilning 30 aprel kuni Namangandagi “Markaziy” o'yingohda bo'lib o'tgan ilk o'yinda futbolchilarimiz 2:1 hisobidagi g'alabani qo'lga kiritishgan. Jamoamizning gollariga Akram Bahriddinov va Dilshod Jabborovlar mualliflik qilishgan bo'lsa yagona javob to'pi Pavel Solomin hisobiga yozilgandi. Toshkentda o'tkazilgan ikkinchi davra uchrashuvida esa “Obod” 3:0 hisobida g'alaba qozongandi. Birinchi bo'limda Timur Hakimov hisobni ochgan bo'lsa tanaffusdan so'ng Shohruz Norxonov “dubl” muallifiga aylangandi. Norxonov uchrashuvdagi ikkinchi golni penaltidan amalga oshirgandi. Bundan tashqari raqiblar 2016 yilgi mavsumlar oralig'ida ham ham kuch sinashishgan. “Obod” maydonida o'tkazilgan nazorat o'yinida 2:2 hisobidagi durang qayd etilgandi. Ertaga bo'lib o'tadigan uchrashuvni Hasan Ro'ziev boshchiligidagi hakamlar brigadasi boshqarib boradi. Ro'zievga qanotlarda  Olim Abduvosilov va Sanjar Shoyusupovlar yordam berishadi. Andijonlik  Akmal Rahimov esa zaxiradagi hakam vazifasini bajaradi. Namanganga nazoratchi sifatida Arslon Hotamov Roman Chernikov PFL vakili sifatida tashrif buyurishadi. O'yin “Markaziy” o'yingohda soat 16.00da boshlanadi. «Obod»ga qarshi uchrashuvda «Navbahor»ning ikki nafar futbolchisi diskvalifikatsiya tufayli maydonga tusha olmaydi. 2016 yilgi mavsum so'nggida qizil kartochka olib maydonni tark etgan Jahongir Mehmonov va Ilhom Boydedaevlar tegishlicha bitta va ikkita o'yinga diskvalifikatsiya qilinishgan. Mehmonov 2016 yilgi chempionatning 30-turidan o'rin olgan «Metallurg» - «Neftchi» uchrashuvining 76-daqiqasida qizil kartochka olgandi. Boydedaev esa «Navbahor» - «Norin» jamoalari o'rtasidagi o'tish o'yinining 18-daqiqasida maydondan chetlatilgandi. Boydedaev 2-turda ham diskvalifikatsiya muddatini o'tashi sababli «Qizilqum» bilan o'tadigan o'yinda ham qatnasha olmaydi.
— deya xabar beradi uff.uz nashri.