"Buxoro" - "Olmaliq" (1:0) uchrashuvidan keyingi matbuot anjumanida mezbonlar bosh murabbiyi Ulug'bek Baqoev ishtirok etdi. "Chempionat boshlanishi bilan muxlislarimizni tabriklayman. Bugungi o'yinda futbolchilarimiz murabbiylar ko'rsatmalarini astoydil bajarishga harakat kilishdi va shuning evaziga g'alaba qozondik deb o'ylayman. 
Xorvatiyalik legionerning hujjatlari bilan muammo yuzaga keldi, nasib qilsa keyingi bahsda u maydonga tushadi. 
Yana ikki futbolchi bilan muzokaralar olib borayotgan edik, afsus ushbu transfer amalga oshmay qoldi. Jamoada hozircha boshqa o'zgarish bo'lmaydi. 
Butun boshli jamoa nomidan muxlislarga alohida minnatdorchilik bildiraman. Ular bugun bizning g'alabamizga ulkan hissa qo'shishdi", - deydi Ulug'bek Baqoev.
— deya xabar beradi uff.uz nashri.