Oliy Liga 1-turidan o'rin olgan “Bunyodkor” – “So'g'diyona” (1:0) uchrashuvidan keyingi matbuot anjumanining ikkinchi qismida “qaldirg'ochlar” ustozi qatnashdi. “Qiyin o'yin bo'lishini bilardik. Raqib himoyadan o'ynadi. Bunday holatda ikkinchi jamoaga oson bo'lmaydi. Bizda gol urish uchun imkoniyatlar bo'ldi. Ammo ularning bittasidan foydalandik. Eng asosiysi chempionatni g'alaba bilan boshladik. Shaxsan men uchun bu juda muhim. Birinchi tur har doim hayajonli bo'ladi. Aytishadiku, qanday boshlasang shunday davom ettirasan deb. Umid qilamanki, keyingi uchrashuvlarda ham muxlislarimizni xursand qilishda davom etamiz. Keyingi turni “Olmaliq” jamoasiga qarshi mehmonda o'tkazamiz. U erda ham bizni oson o'yin kutmayapti”, – deydi Sergey Ivanovich.
— deya xabar beradi uff.uz nashri.