Madridning "Real" klubi va Ispaniya terma jamoasi hujumchisi Karim Benzema giyohvand moddalarning noqonuniy savdosiga aralashganlikda gumon qilinishi mumkin. Bu haqida frantsuz nashrlari xabar tarqatgan.
Gap shundaki, Ali Bushareba ismli jinoyatchining uyidan Benzema bilan birga tushilgan fotosurat va uning dastxati tushirilgan butsa topilgan. Bushareba yirik miqdordagi narkotik moddalarning samolyot orqali tashilishida ayblangan. O'z navbatida Benzemaning agenti bu ayblovni butkul inkor etmoqda.
"Men bu gaplardan bexabarman va Benzemaning biror yaqini narkotik savdosi tufayli qamoqda o'tirganini ham bilmayman. Bilasizmi, Benzemaning Feysbukda 20 million obunachisi bor va istalgan muxlis u bilan suratga tushishi mumkin edi. Ammo bu bilan ular bir biriga bog'liq bo'lib qolmaydi", - deydi agent.
Eslatib o'tamiz, ayni vaqtda Benzema boshqa jinoiy ishda - yarim himoyachi Mate Valbuenaga qarshi tovlamachilik qilishda ayblanmoqda.


— deya xabar beradi uff.uz nashri.