"Barselona" klubi yarim himoyachisi Ivan Rakitich "PSJ"ga qarshi kechadigan Chempionlar ligasi 1/8 finalining javob uchrashuvi oldidan o'z fikrlarini bildirdi. Eslatib o'tamiz, dastlabki o'yinda parijliklar kataloniyaliklarni 4:0 hisobida tor-mor keltirishgandi. Jamoalar 8 dan 9-martga o'tar tunda Ispaniyada to'qnash kelishadi. – Ko'ramiz, "PSJ"ga qarshi o'yinda nima bo'larkin. Bizga ishonch bildirayotgan muxlislarga behad minnatdormiz. Jamoa so'nggi soniyalarga qadar jonini berib o'ynaydi. Umid qilamanki, mo'jiza yuz beradi, – deydi Rakitich.
— deya xabar beradi uff.uz nashri.