Ispaniya chempionatining 26-turidan o'rin olgan «Atletiko Madrid» – «Valensiya» uchrashuvi o'z nihoyasiga etdi. «Visente Kalderon»da «Valensiya»ni qabul qilgan «matraschilar» yirik hisobdagi g'alabani tantana qildilar. Uchrashuvning 10-daqiqasidayoq Antuan Grizmann jamoasini oldinga olib chiqqan bo'lsa, ikkinchi bo'lim boshida Kevin Gameyro oradagi farqni oshirdi. 83-daqiqaga kelib Grizmann dubl qayd etdi va jamoasining yirik hisobdagi g'alabasiga zamin yaratdi. Ushbu g'alabadan so'ng «Atletiko» 49 ochko bilan turnir jadvalining to'rtinchi pog'onasida turibdi. Ispaniya chempionati, 26-tur Atletiko – Valensiya 3:0 (1:0, 2:0) Gollar: 1:0 – 10 Grizmann, 2:0 – 48 Gameyro, 3:0 – 83 Grizmann. Atletiko – Oblak, Savich, Filipe Luis, Vrsalko, Lyuka Ernandes, Koke, Gabi, Ferreyra Karrasko (Parti, 77), Saul, Grizmann (Korrea, 85), Gameyro (Gaytan, 71). Valensiya – Diego Alves, Garay, Gayya, Joau Kanselu, Mangalya, Soler, Peres (Bakkali, 67), Parexo, Orelyana, Munir (Santi Mina, 67), Dzadza. Ogohlantirishlar: Peres (20), Ferreyra Karrasko (30), Santi Mina (90).
— deya xabar beradi uff.uz nashri.