"Manchester Yunayted" jamoasi hujumchisi Zlatan Ibrohimovich "Bornmut"ga qarshi o'yinda ishlatgan qo'polligi uchun Angliya futbol assotsiatsiyasi qaroriga ko'ra 3ta o'yinga diskvalifikatsiya qilindi. O'shanda u "Bornmut" futbolchisi Tayron Mings yuziga tirsagi bilan zarba bergan edi. AFA bu holatni qayta ko'rib, o'rganib chiqdi va futbolchini jazolashga qaror qildi. Zlatan "Rostov"ga qarshi maydonga tushadi. Qarorga ko'ra, u 3ta uy o'yinidan chetlatildi. 13 mart kuni Angliya kubogi doirasida "Chelsi", 17 mart "Midlsbro" va 1 aprel "Vest Bromvich"ga qarshi o'yinlarni u o'tkazib yuboradi. Hujumchi 4 aprel kuni "Everton"ga qarshi o'yinda maydonga qaytadi.
— deya xabar beradi uff.uz nashri.