Madridning "Real" klubi hujumchisi Karim Benzemaning agenti Silven Korme mijozini Valbuenaga nisbatan tovlamachilik qilganlikda ayblaganlarga javob qaytardi.
"Benzema hech narsani tan olgani yo'q, u o'zini aybsiz deb biladi. Matbuotda esa turli g'iybat gaplar tarqatilmoqda. Bu juda alamli.
Men surishtiruv ishlari bunday olib borilganiga hayron qoldim. Birinchidan, men sudda bevosita ishtirok etganim holda Benzema qachon aybini tan olganini ko'rmadim. Ammo politsiya "ko'ribdi" va bu haqida yolg'on xabar tarqatibdi.
Eng g'alati tomoni, hech kim Valbuenadan aslida nima bo'lganini so'ragani yo'q. Biz bunday holatdan juda darg'azabmiz.
Agarda vaziyatga kimdir oydinlik kirita olsa, u ham Valbuena bo'ladi", - deydi agent.

— deya xabar beradi uff.uz nashri.