Uzreport telekanali muxlislari mazkur haftada APLdan “Everton” - “Vest Bromvich” o'yinini, La Ligada “Real”, “Barselona” va “Atletiko” jamoalari uchrashuvlarini jonli efirda tomosha qilishlari mumkin. Futbol bo'yicha Angliya Kubogining chorak final bellashuvlari sabab Premer-liganing 28-turidan olgan 6 ta uchrashuvi qoldirildi. “Manchester Siti” – “Stok Siti” klublari qarama-qarshiligi esa o'zaro kelishuvga ko'ra 8-mart sanasida o'tkazildi. Shu sababga ko'ra bu haftada 28-turda asosan o'rtamiyona va elitada jon saqlashga urinayotgan klublarning o'zaro o'yinlari bo'lib o'tadi. Uzreport Tv esa ular orasidan «Everton» — «Vest Bromvich» uchrashuvini jonli efirda namoyish etadi. Mazkur bahs soat 20:00da boshlanadi. Ispaniya La Ligasidan esa 27-turdan o'rin olgan “Granada”-“Atletiko”, “Deportivo”-“Barselona” va “Real Madrid”-“Betis” uchrashuvlarini jonli efirda kuzatib borishingiz mumkin. Mazkur uchrashuvlar boshlanish vaqti quyidagicha:  “Everton”-“Vest Bromvich” 11 mart. Liverpul. “Gudison Park” stadioni. Soat 20:00 Hakam: Grem Skott “Granada”-“Atletiko” 11 martdan 12 martga o'tar kechasi. Granada. “Nuevo Los-Karmenes”. Soat 00:45 Hakam: Alexandro Ernandes “Deportivo”-“Barselona” 12 mart. “Munisipal de Riasor” stadion. Soat 20:15 Hakam: Fernandes Borbalan “Real Madrid”-“Betis” 12 martdan 13 martga o'tar kechasi. “Santyago Bernabeo” stadioni. Soat 00:45 Hakam: Mateu Laos 
— deya xabar beradi uff.uz nashri.