«Dinamo» klubi Oliy ligaga qaytgach, sensatsiya qayd etishda davom etmoqda. Samarqandliklar Oliy liga 3-turida «Paxtakor»ga qarshi maydonga tushishdi va muhim g'alabaga erishishdi.
Uchrashuvning birinchi bo'limi ancha osoyishta o'tdi. Har ikki jamoa ham himoyani o'ylab, vaziyatni keskinlashtirishni istamadi. Ikkinchi bo'limning oxirlariga kelib «Paxtakor» bosimni oshirishga harakat qildi. Biroq bu urinishlardan etarlicha samara chiqmadi.
«Dinamo» esa himoyani mustahkamlab, qarshi hujumlardan baxtini qidirdi. Gol esa 86-daqiqada kiritildi. «Paxtakor» himoyachilari o'z jarima maydonchalari yaqinida qo'pollik ishlatgach, «Dinamo»da jarima zarbasi berish imkoniyati yuzaga keldi. Darvoza tomon oshirib berilgan to'pga Shoxrux Xolmatov bosh bilan zarba berdi va hisobni ochdi.
So'nggi daqiqalarda «Paxtakor»da bir qator qulay vaziyatlar bo'lsada, hisob o'zgarmay qoldi va «Dinamo» sensatsion tarzda g'alabaga erishdi.  
Oliy liga
3-tur
«Paxtakor» - «Dinamo» - 0:1
Gol: Shoxrux Xolmatov 89
"Paxtakor": Ergashev, Kozak, Oraxovats, Bulyat, Hoshimov, Ismatullaev, A.Ahmedov, Andreev, Nurullaev, Iskanderov, Sergeev.
"Dinamo": Naumov, Lokaev, B.Isroilov, Bozorov, Azimov, Sulaymonov, Qahramonov, Xolmatov, Nizomov, Mamajonov, A.Isroilov.
Hakamlar: O.Tolibjonov, B.Kannazarov, J.Sarsenov, S.Abdurahmonov. Nazoratchi: O.Dachev.
— deya xabar beradi uff.uz nashri.