“Bunyodkor” – “Zob-Ahan” uchrashuvi oldidan tashkil etilgan matbuot anjumanining birinchi qismida eronliklar savollarga javob qaytarishdi.
- Dastlabki ikki turda biz ham, “Bunyodkor” ham ko'ngildagidek qatnasha olmadik. Keyingi bosqichga chiqish imkoniyatlarini saqlab qolish uchun har ikkala jamoaga g'alaba kerak. Shundan ekan, ertaga muxlislarni juda qiziqarli bahs kutib turibdi, deb bemalol ayta olaman. “Bunyodkor”ning avvalgi o'yinlarini kuzatib chiqdim, jamoa yaxshi o'yin ko'rsatdi. Biroq yosh futbolchilarning tajribasizligi biroz pand berib qo'ydi. Raqibning hujum chizig'i juda kuchli. Ayniqsa Eldor Shomurodov, Vadim Chemirtan va Dostonbek Hamdamov triosi har qanday himoya qo'rg'oniga bosh og'riq bo'la oladi. Ertangi bahs oldidan tarkibimizda bitta yo'qotish bor. Albatta, o'z maydonimizda o'ynasak muxlislar ko'magida kuchliroq bo'lamiz. Biroq safarda ham yaxshi o'ynay olamiz. O'zbekiston klublariga qarshi avvalgi uchrashuvlar tarixda qolgan. Ertangi bahs bu kelajak o'yini. Shunday ekan, avvalgi muvaffaqiyatli natijalarni unutganmiz, - deydi Mojtaba Xosseyni.
- Ertangi bahsdagi uch ochkoga ega chiqish har ikkala jamoaning asosiy maqsadi. Biz g'alaba qozonib, vaziyatni o'nglamoqchimiz. Qisqa qilib aytganda, kurash qizg'in kechadi, - deydi Muhammad Nejad Mehdi.
— deya xabar beradi uff.uz nashri.