«Manchester Yunayted» klubi yarim himoyachisi Ander Errera ikkita o'yinga diskvalifikatsiya qilindi. Ispaniyalik yarim himoyachi Angliya Kubogi chorak finali doirasida «Chelsi»ga qarshi kechgan bahsda (0:1) ikkita sariq kartochka olib maydondan chetlatilgan edi. Bu 27 yoshli futbolchining ushbu mavsumdagi ikkinchi qizil kartochkasiga aylandi. Bu esa o'z navbatida ikkita o'yinlik diskvalifikatsiya deganidir. Shuning bilan, Errera jamoasining «Midlsbro» va «Vest Bromvich»ga qarshi kechadigan uchrashuvlarni o'tkazib yuboradi.
— deya xabar beradi uff.uz nashri.