Evropa Ligasidagi mag'lubiyat, Paulo Souzaning kulgili uzrlari, o'yinchilarning yomon kayfiyatda ekanliklari – bularning hammasi «Fiorentina»ning yomon ahvoldaligidan dalolatdir. Bunday inqiroz jamoani jadvalning o'rta pog'onasidan ham pastga tushishiga sabab bo'ldi. UEFA Federiko Kezuni Evropaning eng qobiliyatli o'yinchilaridan biri deya e'tirof etdi, Gonsalo Rodriges esa oxirgi 5 yil ichida Italiya chempionatini eng ko'p gol uradigan himoyachilar uchtaligiga kirgan bo'lsa, Federiko Bernardeski orqasidan esa Evropa grandlarining yarimidan ortiq jamoalari quvmoqda. Bunaqangi xabarlarning hammasi jamoa kelajagi yaxshi ekanligini anglatadigandek, ammo bularning hammasi statistikadan boshqa hech narsaga o'xshamay qolayotgandek. Italiya A-seriyasida 8 o'rindan tushib ketishi, Italiya kubogidagi mag'lubiyat, Evropa ligasini erta tark etishi va muxlislarning noroziligi hammasi klubning inqirozda ekanini anglatiyapti. Eng g'azablanarlisi esa shuki, jamoa xuddiki hech qanday yomon ish bo'layotgani yo'qday o'zini tutmoqda. «Gladbax»dan uchralgan mag'lubiyatdan so'ng «Fio» jamoasi bosh murabbiyi Paulo Souza shunday deb izoh berdi: «Endi bugun kechqurun men bemalol uxlasam ham bo'ladi, chunki ishimni halol tarzda amalga oshirdim. O'yinchilarimning xatti-harakatlaridan faxrlanmasdan bosha ilojim yo'q. Ularning har biri jamoa sharafi uchun chin dildan kurash olib borishdi. Eng achinarlisi esa, biz hamma yaratgan vaziyatlarimizdan foydalana olmadik, raqib esa aksincha himoyadagi xatolarimizdan to'g'ri foydalana oldi.» Shu gaplardan so'ng muxlislarning toqati toq bo'ldi va 300 ta muxlislar klub bazasiga kelib, Souza jamoani befarq boshqarayotganini aytib, u tomon o'z e'tirozlarini aytishdi. Bundan tashqari muxlislar jamoa rahbariyati Pantaleo Korvino va Jankarlo Antonio bilan uchrashib ular olib borayotgan ishni tanqidlashdi. «Fiorentina»ning bu omadsiz o'yin namoyish etayotganining 2 ta asosiy sababi bor. Birinchisi – bu transferda olib borgan sust harakatlar. Katta miqdordagi pullarning transfer uchun berilishi – bu shunchaki quruq gap bo'lib qoldi. Rahbariyat har mavsumda yangi, top o'yinchilarni sotib olishni va'da qilsa – o'z navbatida esa muxlislar quruq gapni eshitib yashashda davom etmoqdalar. Qishda «Fio», Rikardo Saponaru va bir ikkita zahira uchun futbolchilarni xarid qilib transferdagi faolligini yakunladi. Eng katta yutuq bu: Borxa Valeroni Manchesterga ketmaganligi va Federiko Bernardeskoning boshqa jamoaga o'tishi haqidagi gaplar shunchaki mish-mish ekanligi bo'lib qolganidir. Buning o'zi esa Italiyada evrokuboklar uchun kurashishga kamlik qilishi ma'lum bo'lmoqda. Ikkinchi sabab esa – Davomi
— deya xabar beradi uff.uz nashri.