Xabaringiz bor bundan bir necha daqiqalar oldin Namangandagi markaziy stadionda Oliy liganing 3-turidan o'rin olgan "Navbahor" va "Neftchi" jamoalari bahsi yakunlandi. O'yindan so'ng o'tkazilgan matbuot anjumanining birinchi qismida "Neftchi" bosh murabbiyi Andrey Fyodorov qatnashdi va o'zining o'yin haqidagi fikrlarini bildirib o'tdi.
"Bugun muxlislar keskin va kurashlarga boy odatiy derbi guvohi bo'lishdi. O'ylaymanki jamoalar namoyish etgan o'yin muxlislarga manzur keldi. Ammo, har ikkala jamoa murabbiyi katta bosim ostida qoldi.
Aytish kerakki biz bugungi o'yin og'ir kechishini bilgan holda shunga yarasha tayyorgarlik ko'rgan edik. Balkim, ba'zi vaziyatlarda biz o'ylagan rejalar amalga oshmay qolgandir, ammo, bugungi natija uchun yigitlarga rahmat aytaman.
Raqiblarimiz tarkibidagi Nemanya Yovanovich ikkinchi qavatda yaxshi o'ynashini bilardik, lekin bir vaziyatda unga imkoniyat berib qo'ydik va bu yakunda penaltiga olib bordi. Biz bu holatni keyinroq albatta ko'rib chiqamiz.
Bugun biz Namanganga g'alaba uchun kelgan edik, ammo, o'yindan kelib chiqib aytishim mumkinki bugungi durang g'alabaga teng bo'ldi", - deydi "Neftchi" klubi bosh murabbiyi.
— deya xabar beradi uff.uz nashri.