Osiyo Chempionlar Ligasi 3-tur uchrashuvlari doirasida kechgan “Istiqlol”ga qarshi bahsdan so'ng “Lokomotiv” futbolchilari 3 kunlik qisqa ta'tilga chiqishgan edi. Bugundan “Temiryo'lchilar” jamoasi mashg'ulotlarga qaytdi. Bugungi mashg'ulotda Kaxi Maxaradze hamda milliy terma jamoa yig'iniga chaqirilgan futbolchilardan tashqari barcha ishtirok etdi. Dastlab barcha engil yugurib oldi. Keyin esa chigalyozdi mashqlari bajarishga o'tildi. So'ngra to'p bilan ishlash mashqlari bajarildi. Bugun Mirko Yelichich hamda Andrey Miklyaev futbolchilarga katta yuklamalar berishni lozim topishmadi. Umuman olganda, mashg'ulot jarayoni ancha ko'tarinki ruhda o'tdi. Quyida mashg'ulot payti olingan “qaynoq” fotosuratlarni tomosha qilish imkoniga egasiz:
— deya xabar beradi uff.uz nashri.