“Sho'rtan” – “Mash'al” uchrashuvidan so'ng tashkil etilgan matbuot anjumanida mezbonlar ustozi Aleksandr Volkov o'yin borasidagi o'z fikrlarini bildirib o'tdi.
-  Barcha muxlislar va xalqimizni yaqinlashib kelayotgan Navro'z bayrami bilan tabriklayman. Bugungi bahsda omad bizdan yuz o'g'irdi. Birinchi bo'limda shogirdlarimga biroz shiddat etishmadi. Biroq ular taslim bo'lishmadi va ikkinchi taymda hujumlar tashkil qilishdi. Ammo penaltidan gol ura olmadik.
Raqib ikki to'p kiritib olganidan so'ng himoyaga o'tdi va gol urishimizga imkon bermadi. Futbolchilarga doim aytaman, dastlabki va oxirgi 15 daqiqada juda diqqatli bo'lish kerak. Biroq bugun ular bu vazifani bajara olishmadi, - deydi Aleksandr Volkov.
— deya xabar beradi uff.uz nashri.