Ispaniya chempionatining 28-turidan o'rin olgan "Atletik" Bilbao hamda "Real" Madrid klublari o'rtasidagi uchrashuv nihoyasiga etdi. Unda 1:2 hisobi qayd etilib, madridliklarning g'alabasi bilan yakunlandi. Avvaliga Karim Benzema Krishtianu Ronalduning to'p uzatishidan so'ng, 25-daqiqada hisobni ochdi. Ikkinchi bo'limda, aniqrog'i 65-daqiqada Aduris bilbaoliklarning javob golini urishga erishdi. Ammo, 68-daqiqada Kazemiro raqib jarima maydonchasidagi tartibsizlikdan foydalanib "Real"ning g'alaba to'pini kiritishga muvaffaq bo'ldi. "Real"ning ikki goliga ham Krishtianu Ronaldu uzatmani amalga oshirdi. Shu tariqa Zidan shogirdlari uch ochko ega bo'lishdi va 1-o'rinni yanayam mustahkamlashdi.
Ispaniya chempionati, 28-tur
Atletik – Real Madrid 1:2
Gollar: 0:1 – 25 Benzema, 1:1 – 65 Aduris, 1:2 – 68 Kazemiro.
Atletik – Arrisabalaga, Inigo Lekue (Muniain, 59), Laport, Yeray Alvares, De Markos, Raul Garsiya (Susaeta, 86), Iturraspe, Inyaki Uilyams, Benyat (Mikel Riko, 79), Balensiaga, Aduris.
Real Madrid – Navas, Nacho, Marselo, Karvaxal, Ramos, Modrich (Vaskes, 62), Kazemiro, Kroos, Beyl, Ronaldu (Isko, 79), Benzema (Morata, 85).
Ogohlantirishlar: Aduris (28), Karvaxal (28), Kazemiro (31), Kroos (71), Keylor Navas (90+3).
— deya xabar beradi uff.uz nashri.