"Monako" kecha safarda "Kan" jamoasini yirik (3:0) hisobda mag'lubiyatga uchratib, Frantsiya 1-ligasida etakchilikni yaqqol o'z qo'liga oldi. Uchrashuvdan so'ng, "Monako"ning 18 yoshli hujumchisi Kilian Mbappe shahsiy natijalari haqida fikr bildirdi. "Agar bir mavsumda 60ta gol urishga erisha olsang, mana shunda o'zingni dunyodagi eng yaxshi hujumchi deya hisoblash mumkin.   Hozircha menda bu holat qayd etilmadi. "Monako"dan ketishga hali shoshilayotganim yo'q. Frantsiyada qolib shahsiy natijalarimni oshirishga harakat qilaman", — deydi Mbappe Goal.com nashriga bergan intervyusida. Ma'lumot uchun, kechagi uchrashuvda Kilian Mbappe dublga erishdi va mavsumdagi gollari sonini 19 taga etkizdi. 
— deya xabar beradi uff.uz nashri.