"Manchester Yunayted" bosh murabbiyi Joze Mourino Evropa ligasida g'alaba qozonish Angliya chempionatida 4 o'rinni olishdan ko'ra obro'liroq ekanini ta'kidlab o'tdi.
"Men Evropa ligasida g'alaba qozonishni ma'qul ko'raman, chunki bu g'alaba bizga Chempionlar ligasi yo'llanmasini beradi. Ammo Evropa ligasi nafaqat EChL yo'llanmasini beradi, bu obro'li musobaqa bo'lib UEFA Superkubogida maydonga tushish imkoniyati ham mavjud.
Ammo Evropa ligasida g'alaba qozona olmay qolishimiz ham mumkin. Shu bois Angliya chempionatida 4 o'rin uchun kurashda ham davom etish lozim. "Midlsbro"ga qarshi kechgan o'yinda aynan shu ishni bajardik.
Bizga bir qator futbolchilar etishmadi, ammo yigitlar ulkan ishtiyoq namoyish etishdi. Bu juda muhim g'alaba", - deydi murabbiy.
— deya xabar beradi uff.uz nashri.