Birlashgan Arab Amirligining Dubay shaxrida engil atletika bo'yicha Xalqaro Gran-Pri musobaqasi bo'lib o'tmoqda. Nufuzli Gran-Pri turnirida 50ga yakin davlatlardan 400dan ortiq sportchilar kuch sinashmoqdalar. 26 martga qadar davom etadigan mazkur musobaqada O'zbekiston Milliy Paralimpiya terma jamoasi ham ishtirok etmoqda.
Kecha terma jamoamiz a'zolaridan ikki nafari sovrindorlar safidan joy olishdi. Yadro uloqtirish bo'yicha tashkil etilgan bahslarda Natalya Semenova 2-o'rinni egallab kumush medal bilan taqdirlangan bo'lsa, Elbek Sultonov 14,30 metr natijasi bilan 3-o'rinni band etdi va bronza medaliga loyiq ko'rildi.
Musobaqa davomida oldinda hamyurtlarimizni shuningdek, yana yadro, nayza va disk uloqtirish baxslari kutib turibdi.
O'zbekiston Milliy olimpiya qo'mitasi
matbuot xizmati
— deya xabar beradi uff.uz nashri.