"Manchester Yunayted" sobiq bosh murabbiyi Aleks Fergyuson jamoani yana bir o'yinda boshqaradigan bo'ldi. Gap shundaki, mutaxassis klub faxriysi Maykl Kerrikka bag'ishlanadigan uchrashuvda jamoani bosh murabbiy sifatida maydonga olib tushadi. Unda "Manchester Yunayted"ning 2008 yildagi tarkibi yulduzlar terma jamoasiga qarshi o'ynaydi. "MYu" tarkibi Kerrikka 9 yil oldin jamoadosh bo'lgan futbolchilardan tuziladi. Yulduzlar termasi esa Frenk Lempard, Stiven Jerrard, Maykl Ouen va boshqa faxriy futbolchilardan tashkil topadi hamda bu jamoani Garri Rednapp boshqaradi. Uchrashuv shu yilning 4 iyun kuni "Old Trafford" stadionida o'tkazish belgilangan. Eslatib o'tamiz, Fergyuson "Manchester Yunayted"ni 1986 yildan 2013 yilgacha boshqargan va shu davr mobaynida 38ta sovrinni qo'lga kiritgan.
— deya xabar beradi uff.uz nashri.