Argentina terma jamoasi bosh murabbiyi Edgardo Bausa JCh saralashi doirasida Chiliga qarshi kechgan uchrashuvdagi 1:0 hisobidagi g'alaba haqida fikr bildirdi. Uchrashuv taqdirini Lionel Messi penaltidan kiritgan yagona gol hal qilgan.
"G'alabadan juda xursandman. O'yin biz o'ylagandek kechdi. Biz kuchli raqibga qarshi bir bo'lim ajoyib harakat qildik. Oxirgi 15 daqiqada esa to'pga Chili egalik qildi.
Jamoamiz Messiga bog'liq, deb o'ylamayman. U yaxshi o'ynadi. Hozir ishlashda davom etish lozim", - deydi Bausa.
Eslatib o'tamiz, Argentina terma jamoasi JCh saralashida 3 o'rinda bormoqda.
— deya xabar beradi uff.uz nashri.