O'zbekistonlik FIFA referisi Aziz Asimov OChL–2017 turniri “E” guruhi 5-turidan o'rin olgan “Ulsan Xyonde” (Janubiy Koreya) – “Kashima Antlers” (Yaponiya) uchrashuviga bosh hakam etib tayinlandi. Aziz Asimovga qanotlarda Ruslan Serazitdinov va Andrey Tsapenko yordam beradi. To'rtinchi hakam vazifasi malayziyalik Suhayzi bin Shukriga yuklatildi.  Kanadalik Liu Hu hakamlar nazoratchisi bo'ladi. Uchrashuv komissari – qatarlik Rashid Mahbub al-Dosari. Ma'lumot uchun, “Ulsan Xyonde” va “Kashima Antlers” klublari o'rtasidagi uchrashuv 26 aprel kuni Ulsan shahrida bo'lib o'tadi. Avvalroq Aziz Asimov Osiyo Kubogi–2019 turniriga saralash bosqichi o'yinida ishlashi haqida xabar berilgandi. 
— deya xabar beradi uff.uz nashri.