Italiyaning "Torino" klubi safida ijara futbolchisi sifatida faoliyat olib borayotgan "Manchester Siti" darvozaboni Jo Xart turinliklar safida o'sishga erishganini ma'lum qildi. "Torino"da mahoratli darvozabon sifatida yanada ko'proq shakllandim. Har doim oldinga harakat qilaman, faoliyatimni ijobiy o'tkazishga urinaman. "Manchester Siti"dagi faoliyatimda hammasi joyida edi. Ammo Gvardiola kelib, barchasi o'zgarib ketdi. Endi birinchi raqamli darvozabon sifatida ko'rishni istaydigan eng yaxshi klubga o'tishni istayman. Menga "A" seriyada faoliyat ko'rsatish yoqdi, "Siti" o'yinlarini doim kuzatib boraman. Yangi mavsumda qaysi jamoa libosini kiyishimdan qat'iy nazar, bor kuchimni ishga solaman", - deydi Xart.
— deya xabar beradi uff.uz nashri.