1news.uz —  O'zbekiston milliy terma jamoasi ertaga 28 mart kuni JCh–2018 turniriga saralash bosqichi “A” guruhi 7-turida Qatarga qarshi bahs olib boradi. Toshkentdagi uchrashuvda avvalgi turning ikki omadsiz, mag'lubiyat alamini tortgan  jamoalari maydonga tushadi. O'z uyida Eronga kichik hisobda yutqazgan Qatar jamoasi o'sha kuni  ancha mazmunli o'yin ko'rsatgan edi. Shuning uchun ushbu jamoa Toshkentdagi o'yinda ijobiy natijaga erishadigan bo'lsa, o'z ochkolarini 7 taga etkazib, O'zbekiston ayni paytda egallab turgan 3-o'rin uchun kurash olib borayotgan Suriya va Xitoy jamoalari safiga qo'shiladi. Xalqaro ekspertlar ushbu turdan o'rin olgan Janubiy Koreya-Suriya va Eron-Xitoy o'yinlarida mehmonlarning muvaffaqiyat qozonishlari mumkinligini istisno etishmayapti. Ma'lumki, birinchi uchrashuvda ushbu jamoalarning o'zaro o'yinlari nursiz durang bilan yakunlangan edi. Xabarning tafsilotlari bilan 1news.uz saytida ushbu havola orqali tanishishingiz mumkin.
— deya xabar beradi uff.uz nashri.