Argentina terma jamoasi sardori Lionel Messi FIFAga xat yozib, Chiliga qarshi kechgan o'yinda (1:0) haqoratli so'zlarni ishlatgani uchun uzr so'radi, ammo shu bilan birga bu haqorat yon qanot hakamiga qaratilganini rad etdi.
"Men Chiliga qarshi kechgan o'yinda hakamni haqorat qilganimni keskin rad etaman.
Hakamning yordamchisi braziliyalik va u mening gaplarimni to'liq tushunadi. Biz hatto o'zaro muloqotda ham bo'ldik va men uni mutlaqo haqorat qilganim yo'q.
Mening gaplarim unga qaratilmagandi, men shunchaki havoga gapirdim va buning uchun uzr so'rayman", - deydi Messi.
Eslatib o'tamiz, FIFA Messini Argentina terma jamoasining 4 ta o'yiniga diskvalifikatsiya qilgan edi.
— deya xabar beradi uff.uz nashri.