"Everton" bosh murabbiyi Roberto Martines hujumchi Romelu Lukaku "Vest Xem"ga qarshi kechgan bahsda gol kiritib, jamoasiga 1:1 hisobidagi durang keltirgach, narhi oshishini aytib o'tdi.
"Endi uning narhi 55 million funt bo'ladi (biroz vaqt muqaddam Lukaku 45 million funtga sotilishi haqida xabarlar paydo bo'lgan edi). Ba'zan klub prezidenti biror futbolchini sotish fikriga kelishi mumkin, ammo "Everton"da bunday emas.
Lukaku yangi rekordlarni o'rnatishni istaydi. U 1993 yilda "Everton" safida bir yilda 20 ta gol urgan Toni Kottidan o'zib ketishni rejalashtirgan edi va buni amalga oshirdi. Romelu o'z o'yini hisobiga bunga erishdi va 21 ta gol urdi. U bu bilan to'xtab qolmoqchi emas.
Lukaku dunyoning eng yaxshi futbolchisi bo'lishni istaydi", - deydi Martines.
Lukaku joriy mavsumda Angliya chempionatida 12 uchrashuvda 7 ta gol urib, 4 ta golli uzatmani amalga oshirgan.
— deya xabar beradi uff.uz nashri.