Uchrashuvdagi dastlabki xavfli vaziyat 7-daqiqada yuzaga keldi. Iqbol Malikjonov qanotdan kirib borib, to'pni jarima maydonchasi ichida turgan Doston Meliqo'zievga oshirdi. Dostonning zarbasi raqib o'yinchilariga tegib qaytdi. 12-daqiqada maydon egalari xavfli imkoniyatga ega bo'lishdi. Mo'ydin Mamazulonov ofsaydda qolib ketdi. 24-daqiqada Baxtiyor Yoqubovning jarima zarbasidan keyin to'p avvaliga jonli devorga keyin darvoza ustuniga tegib maydonni tark etdi. Oradan biroz o'tib, maydon egalari tomonidan kiritilgan gol inobatga olinmadi. Bu vaziyatda hakamlar “Neftchi” futbolchisini o'yindan tashqari holatda qolib ketgan deb hisoblashdi. Birinchi bo'limning qolgan daqiqalarida har ikki tomondan golga tortadigan vaziyatlar ko'p bo'lganiga qaramay, hisobni ochish hech kimga nasib etmadi. Jamoalar tanaffusga shu hisobda chiqib ketishdi. 50-daqiqa Abror Rahmonov qulay imkoniyatdan foydalana olmadi. U jarima maydonchasi ichida yolg'iz qolgandi. Uning zarbasiga biroz aniqlik etishmadi. 57-daqiqada Abror Rahmonov darvozabon bilan birga-bir vaziyatda qolganiga qaramay, raqib darvozasini ishg'ol eta olmadi. 61-daqiqada Oybek Rustamovning kuchli zarbasini mezbonlar posboni qiyinchilik bilan bartaraf etdi. 70-daqiqada zaxiradan maydonga tushgan Elomon Karimov o'ta qulay imkoniyatni qo'ldan chiqardi. 76-daqiqada jarima maydonchasi ichiga oshirilgan to'pni Abror Rahmonov darvozaga to'g'irlay olmadi. Uning zarbasi biroz noaniq chiqdi. 78-daqiqa maydon egalari penalti tepish huquqiga ega bo'lishdi. Jamshid Qobilov tomonidan tepilgan to'pni Islom Abdullaev mahorat bilan qaytarishga erishdi. 83-daqiqada jarimadan oshirilgan to'pni Furqat Hasanboev boshi bilan darvozamizga aniq yo'llab, hisobni ochdi. 89-daqiqada mezbonlarning hujumi samarali yakun topdi. Bu safar Otabek Isroilov darvozamizni ishg'ol etdi. Qolan daqiqalarda har ikki jamoa ham boshqa gol kirita olmadi. Shu tariqa o'rinbosarlarimiz mavsumdagi birinchi mag'lubiyatni tan olishga majbur bo'lishdi. Yoshlar ligasi. 4-tur “Neftchi” – “Qo'qon-1912” – 2:0 (0:0)
Gol: Furqat Hasanboev-83, Otabek Isroilov-89.
“Neftchi”: 16. Abdumavlon Abdujalilov, 3. Siroj Ro'zmetov, 4. Furqat Hasanboev, 6. Baxtiyor Yoqubov (23. Abdurahmon Abdulxaqov-46) , 8. Islom Toshpo'latov, 10. Xurshid Asqaraliev, 11. Ibrohim No''monov, 15. Mo'ydin Mamazulumov (26. Otabek Isroilov-46), 18. Islom Karimov (22. Elomon Karimov-65) 20. Jamshid Qobilov, 21. Abror Ismoilov.
Zaxira: 35. Shuhratillo Rahmonov, 5. Sardor Isaqov, 7. Sarvar Abdullaev, 9. Abduqodir Ortiqov.
“Qo'qon-1912”: 30. Islom Abdullaev, 7. Oybek Rustamov (70. Ibrohim Muxtorov-86), 8. Baxtiyor Abdubannonov (Doniyor To'lashev-72), 10. Abror Rahmonov, 18. Dilshod Baratov, 19. Doston Meliqo'ziev, 22. Muhammadanas Hasanov, 23. Ismoil Oxunjonov, 24. Ruslan Melziddinov, 28. Avaz Mamatxo'jaev, 29. Iqbol Malikjonov.
Zaxira: 13. Nikita Ribkin, 11. Ma'mur Rahimov, 17. Ibrohim Usmonov, 26. Ramzbek Isaqov.
— deya xabar beradi uff.uz nashri.