2015 yil 4-8 noyabr kunlari Indoneziyaning Palembang shahrida baydarka va kanoeda eshkak eshish bo'yicha o'tkazilgan Osiyo chempionatida yana bir hamyurtimiz Olga Umaralieva qit'a chempionatining oltin medallari bilan birga, 2016 yili Rio-de-Janeyro shahri (Braziliya)da o'tkaziladigan XXXI yozgi Olimpiada o'yinlarining yo'llanmasi uchun belgilangan me'yorni bajardi.
Baydarkada eshkak eshish bo'yicha 200 metr masofaga o'tkazilgan yakkalik poygalarida marra chizig'iga birinchi bo'lib etib kelgan Olga, terma jamoamiz hisobiga Osiyo chempionatining navbatdagi oltin medalini keltirish bilan birga, “Rio-2016” o'yinlarining yo'llanmasi uchun belgilangan me'yorni bajarishga muvaffaq bo'ldi.
Bunga qadar qit'a chempionatida baydarka va kanoeda eshkak eshish bo'yicha Olimpiada yo'llanmasini qo'lga kiritgan sportchilar bilan O'zbekiston Milliy Olimpiya Qo'mitasining rasmiy sayti Olympic.uz'da tanishib olishingiz mumkin.
— deya xabar beradi uff.uz nashri.