“Navbahor” jamoasi haqida to chempionat boshlangunga qadar turli gap-so'zlar paydo bo'lgani sir emas.  Namangan klubi rossiyalik investorlar nazariga tushgani, ularning ozgina e'tibori “Navbahor”ni muntazam ravishda mamlakat chempioni bo'lishiga etishi haqida ko'p yozildi. Darhaqiqat chempionlik nashidasini surganiga 20 yildan oshgan “Navbahor” o'tgan yili bu yubiley sanani ajoyib tarzda nishonlab, 1996 yilgi chempion bo'lgan futbolchilarni Namanganga taklif etdi. Qarang, juda ajoyib! Jamoa chempion bo'lganligining 20 yilligini nishonlamoqda. Bu bir tomondan biroz kulguli bo'lsada, lekin o'sha o'tmish afsonalari, o'sha yulduzlarni ko'rgan ishqibozlar, klubning yulduzli onlarni eslashdi. Bunday uchrashuvdan boshlari osmonga etdi.   Transport sohasi asosiy homiysi bo'lgan paytlarda “avtomobilchi”, “oblvodxoz” qaramog'ida yulduzli onlarni o'tgazgan paytlarda “suvchi” bo'layozgan “Navbahor”ni so'nggi paytlarda “Lochinlar”  deb atash urfga kirdi. Lekin shu  “lochinlar” o'tgan mavsumda shu qadar “pastlab uchishdiki”, “tumshuqlari”ni erga urib olishlariga oz qoldi. Sal bo'lsa “halokat”ga uchrashlari aniq edi. Yangi mavsumda jamoada yaqin o'tmishning bir emas ikki  “super hujumchi”lari birgalikda ish boshlagani klubga sof havo olib keldi.  So'zimizga ularning kecha Samarqandda “Dinamo” ustidan 10 kishi bo'lib, g'alaba qozonganliklari isbot bo'la oladi.   2017 yilgi mavsumni ketma-ket uch g'alaba bilan boshlab, hali o'z darvozasidan to'p olib chiqmagan “dinamo”chilar nega “Navbahor” qarshiligini sindira olmadilar?  O'tgan yilgi Angliya premer-ligasida qahramonlik ko'rsatgan “Lester”ga qiyoslanayotgan jamoaga qarshi namanganliklarni o'ta ishtiyoq bilan to'p surishganining sababi nimada? Ko'pchilikni shu savol qiziqtirayotgani tabiiy.   davomi vodiymedia.uz da
— deya xabar beradi uff.uz nashri.