Rostovliklar Evropada ancha shov-shuv ko'tarishdi, ammo jamoa hamon qarzlardan qutulolmayapti. «Sovetskiy sport» ushbu klubning hozirgi paytdagi moliyaviy ahvolini atroflicha muhokama qilib, bu borada paydo bo'layotgan savollarga javob topishga urindi. «Rostov»ning soliqlardan va mehnat fondidan qarzi – 360 million Evropa Ligasi doirasidagi «Manchester Yunayted»ga qarshi kechgan javob uchrashuvi kuni Rostov oblasti gubernatorining birinchi o'rinbosari Igor Guskov «sariq-ko'klar»­ning qarzlari xususida bor haqiqatni aytdi. Uning so'zlariga ko'ra, umumiy hisobda klubda 360 million qarzdorlik mavjud: mehnat fondi soliqlaridan 250 mln., asosiy tarkib futbolchilari va murabbiylarning mukofot pullaridan 110 mln. Maoshlar haqida gap ketganda, o'tgan yil uchun hisob-kitob yaqindagina to'liq amalga oshirildi. Boshqa xodimlarning ishi biroz engil - baza va ofis ishchilari kuniga pul olishgan. Qizig'i, Guskov o'tgan yil dekabri­da bergan intervyusida «Rostov»ning qarzi yo'qligini ta'kidlagandi. Keyingi ikki yarim oy mobaynida vaziyat birdan o'zgarib ketdimikan? Aftidan, oblast rahbarlaridan biri Yangi yil bayrami arafasida shunchaki, hammasini yaxshidek ko'rsatishga uringan. Boshqacha aytganda, ertak to'qigan. EVROKUBOKLAR BO'LMAGANDA... Joriy mavsum evrokuboklarda Rossiya klublari orasida eng ko'p daromad orttirgan jamoa aynan «Ros­tov» bo'ldi. Bu boradagi ma'lumot maxfiy tutilmaydi, hammasi ochiq-oydin ko'rsatilgan. Rostovliklar EChL saralash raundida 2 million, guruh bosqichiga chiqishgani uchun 12,7 million, «Bavariya» ustidan qozonilgan g'alaba uchun 1,5 million, PSVga qarshi kechgan 2ta bahsdagi duranglar uchun 1 million evro olishdi. Bundan tashqari, Evropa Ligasi 1|16 finaliga yo'l olingani uchun 500 ming, nimchorak finaldagi ishtirok uchun 750 ming ajratildi. Jami - 18,2 mln. evro, ya'ni «Rostov» klubi byudjetining 75 foizi. Xo'sh, shuncha pul qaerga ketdi? «Sovetskiy sport»ning ma'lumotlariga ko'ra, ushbu mablag'ning 30 foizi futbolchi va murabbiylarning mukofot pullariga ajratilgan. qolgani avvalgi rahbariyat davrida yig'ilib qolgan eski qarzlarni uzishga sarflangan. O'tgan mavsum yakunida «Rostov» turli tashkilotlardan bir milliard rubl­ga yaqin qarz bo'lib qolgan. Bu Rossiya futboli uchun fantastik summa. Agar evrokuboklar bo'lmaganida, rostovliklar boshiga «Tom»ning taqdiri tushishi aniq edi. HOZIRChA LOGOTIPSIZ Bir oy avval «Rostov»ning bosh direktori lavozimiga Pavel Loshilov tayinlangandi. Uning zimmasiga ikkita vazifa yuklatildi. Birinchisi - xarajatlarni nazoratga olish. Ikkinchisi - klubning tuzukroq homiyga ega bo'lishini ta'minlash. Dastlabki punkt bo'yicha ishlar jadal davom etmoqda. Jumladan, aksariyat xodimlarning maoshi miqdori kamaydi. Yangi sharoitga ko'nmaganlar bilan mehnat shartnomasi bekor qilindi. Homiylar masalasiga to'xtalsak, joriy yil boshida yo'lovchi tashishga ixtisoslashgan kompaniya «Rostov» bilan jiddiy qiziqqaniga qaramay, kelishuv amalga oshmagandi. Shuningdek, klub Vadim Varshavskiyga tegishli korxonalar nazariga tushib qoldi. Mashhur biznesmen 2007 yili ham jamoaga pul ajratgan, uning sobiq kompaniyasi logotipi futbolchilar libosiga muhrlangandi. Manbaning xabar berishicha, Varshavskiy «Rostov» uchun yiliga 300 million rubl berishga tayyor. Bu esa o'yinchi va murabbiylar shtabining yillik maoshlarini qoplash uchun etarli. Yaqinda rostovliklar yana bir kichik homiyga ega bo'lishdi - «Mishkino» qandolatchilik fabrikasi bilan shartnoma tuzildi. Albatta, yo'qotishlar ham uchradi. Yangi yildan e'tiboran «Rostov» futbolkalarida «TNS Energo» logotiplari olib tashlandi. Ushbu kompaniya so'nggi ikki mavsum klubning titul homiysi sanalgan. Ehtimol, hamkorlik keyinroq davom ettirilar, ammo hozircha «sariq-ko'klar» «quruq» libosda maydonga tushishmoqda. SAVVIDI QAYTADIMI? Bu hali hammasi emas, davomi: www.iff.uz InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.